கனவுக் கோட்டை

நீ சிந்தித்துக்கொள்ளும் பொழுதுகள்
எல்லாம் சுருங்கிவிட்டன
இன்னும் சிறிது நேரத்தில் - நீ
சிந்திப்பதையே நிறுத்திவிடுவாய்
அதன்பின்
உன் சிந்தனை வெளிகள்
எரிந்த
ரோமைப்போல்
சாம்பல் மேடாகவே -
காட்சியளிக்கும்.
எப்படித்தான் எரிந்தாலும்,
நீரோவைப் போல
நீயும்
பிடிலைத்தான் பிடித்திருப்பாய்.
அங்கு - உன் சிந்தனைகள்
சுருங்கிச் சூக்குமம் ஆகிவிடுவதால்
கனவுக் கோட்டைகளை
கட்டியழுதபடி
மீதிக்காலத்தை கழித்துவிட்டு -
கடைசியில்
விழித்துக்கொள்வாய்.
அப்போது
காலம் மிகக் கடந்திருக்கும்.....