சிறு அலசல்...

கௌதம் மேனன் தமிழ் சினிமால முக்கியமான ஒரு busy இயக்குனர் என்டு சொல்லலாம். இவர்ட தீவிர ரசிகன் நான்... மின்னலே, காக்க காக்க, வேட்டையாடு விளயாடு என்டு எல்லா படமும் பாத்திருக்கன். என்னை இபோ கூட பாதிச்ச படம்னா மின்னலே சொல்லலாம். அதுல வர்ர lovable scene எனக்கு ரொம்ப பிடிக்கும். அடுத்தது காக்க காக்க... Police story க்கு புது வடிவம் குடுத்திருபாரு அந்த film ல.


இபோ நான் பேச வந்த படம் பச்சை கிளி முத்துச்சரம். சரத் குமார், ஜோதிகா சேர்ந்து நடிச்ச படம், இந்த படத்துல ஜோதிகா வித்தியாசமான வேடத்துல நடிச்சிருப்பாங்க. அன்மையில எனக்கு ஒரு ஆங்கில படம் பார்க்கிற சந்தர்ப்பம் கிடச்சுது. Derailed என்பதுதான் அந்த பட்த்தின் பெயர். வடிவேலு style ல சொல்ரதுனா நான் அபடியே shock ஆகிடேன்... ஏன்னு கேக்கிரீங்க சொல்ரன். அப்படியே ஒரு ரீல் மாத்தாம carbon copy என்னுவமே அது மாதிரியே இருந்துசு அந்த english film. (என்ன கொடும சார் இது :))

நம்ம கௌதம் copy பன்னுவாரா என்று யோசிச்சு கூட பாதேன் (... ம்ஹூம்...). அப்புரமா net வந்து துலாவி பாத்ததுல அந்த படம் ஒரு நாவலினை அடிப்படையாய் வச்சு எடுத்ததாம்... அது சரி அதற்காக அபடியே ஆங்கில படத்தை Copy பன்னினா சரியா sir?

பச்சை கிளி முத்துச்சரம் படத்துல ஜோதிகாட Husbund ஒருத்தர் வருவார்... அதே மாதிரி முடி கொஞ்சம் கூட வளர்த்தவர் தாங்த derailled லயும் வர்ராரு... இத கூட மாத்த கூடாதா?

ஒன்னு மட்டும் ரொம்ப யதார்த்தம் அது ஜோதிகாட Character மட்டும்தான். தமிழ் சினிமாக்கு புதுசு இந்த மாதிரியான Dress code... and நடிப்பு. (ஒருவேளை ஜோ கூட அந்த Film பாத்திருப்பாங்களோ?)


ஒன்னு மட்டும் சரி ... Direction என்டு title போட்டாங்கனுதான்...

Screenplay and Direction என்டு மட்டும் போட்டு உண்மய சொல்லிடாரு... (என்னோட favourite Director)

கேட்டதில் பிடித்தது......

நட்பை சொல்ல

ஒரு நிமிடம் போதும்.....

அதை நிரூபிக்க
ஒரு வாழ்க்கை வாழவேண்டும்.....

சாயிபாபாவின் உண்மை முகம் - விவரணச் சித்திரம் (தமிழில்)

இது 2004 ஆம் ஆண்டு BBC யினால் தயாரிக்கப்பட்ட ஒரு விவரணச்சித்திரம். இந்தியாவின் மிக்கபெரிய ஆன்மீக குரு(?) சத்திய சாயி பாபாவினை பற்றியது. சாயிபாபாவுக்கு உலகம் முழுவதும் அண்ணளவாக 30 மில்லியன் பக்தர்கள் உள்ளனர்.

ஆனால், அதேநேரம் அதிகரிக்கும் எண்ணிக்கையிலான முன்னை நாள் பக்தர்கள், குற்றஞ் சாட்டுகின்றார்கள், சாயிபாபா அவர்களையும், அவர்களது குடும்பத்தவர்களையும் பாலியல் ரீதியாக துஷ்பிரயோகம் செய்துள்ளதாக.

இவ்விவரணச்சித்திரம் அவை சம்பந்தமாக ஆதாரங்களுடன் ஆராய்கின்றது. அவரால் பாலியல் துஷ்பிரயோகம் செய்யப்பட்டவர்களின் நேரடி பேட்டிகள் இடம்பெறுகின்றன. சாயிபாபாவின் தற்போதைய வயது 82.

இது ஆங்கிலத்தில் 'Secret Swami' என்ற பெயரில் BBC Two அலைவரிசையில், 2004 - ஜூன் - 17 வியாழக்கிழமை, பிரித்தானியாவில் ஒளிபரப்பப்பட்டது.

இதிலே அவரது பாலியல் துஷ்பிரயோகங்கள் மட்டுமல்லாது, விபூதி உருவாக்குதல், வாய்க்குள்ளிருந்து சிவலிங்கம் எடுத்தல் மற்றும் காற்றிலிருந்து ஆபரணங்கள் எடுத்தல் என்பவற்றுக்கு பின்னாலுள்ள ஏமாற்று வித்தைகளும் வெளிப்படுத்தப்படுகின்றன.

பகுதி 1

SAI BABA 1
Uploaded by PERIYAR

பகுதி 2

SAI BABA 2
Uploaded by PERIYAR

பகுதி 3

SAI BABA 3
Uploaded by PERIYAR

இவ்விவரண படம் சம்பந்தமாக ஒரு விமர்சனம் (ஆங்கிலத்தில்)
http://barrypittard.wordpress.com/2007/04/04/the-bbcs-the-secret-swami-a-revision/

பி.பி.சி இணையத்தளத்த்தில் இப்படம் சம்பந்தமான தகவல் (ஆங்கிலம்)
http://news.bbc.co.uk/2/hi/programmes/this_world/3791921.stm

Google Video தளத்த்தில் இவ்விவரண சித்திரம் ஆங்கிலத்தில் (மூலம்)
http://video.google.com/videoplay?docid=-3767740320034777862

'Secret Swami' விவரணம் ஆங்கிலத்தில் wmv கோப்பில்
http://www.rfjvds.dds.nl/thesecretswami/thesecretswami.wmv

இது மற்றொரு விவரணப்படமான 'Seduced' டென்மார்க்கில் டென்மார்க்கின் தேசிய தொலைக்காட்சி, வானொலி அலைபரப்பாளரான DR இனால் ஒளிபரப்பப்பட்டது
http://www.rfjvds.dds.nl/seduced/seduced.wmv

இவை இரண்டும் சம்பந்தமான் தகவல்
http://india.indymedia.org/en/2004/09/209770.shtml

அற்புதமேதும் நிகழாதோ! - கவிதை

மருதமடு கருணைமாதா
இடம்பெயர்க்கப் பட்டபின்பு
இருதய நாதருக்கு
இடதுகையும் ஒடிந்ததுவோ.

அன்னைமாதா பெயர்ந்ததனால்
அநாதையாக ஆகிப்போன
மன்னுலகின் மைந்தனுக்கும்
மார்பிலும்ஷெல் பாய்ந்ததுவோ!

அருளளித்தவர் கரத்திலொன்றை
அறுத்துவீழ்த்திய பாவிகள் யார்?
கருணைநாதர் நெஞ்சினில்கூட
காயம்படுத்திய வஞ்சகர் யார்?

மனிதரிடை சண்டைகளில்
மனிதர்கள் மட்டுமல்ல
கடவுளரும் காயம்பட்டு
காணாமல்போகும் காலமிது.

மனிதமிங்கே மாண்டுபோக
இனிதெம்வாழ்வு இருண்டுபோக
புனிதநிறை பதியின்வாசலிலும்
மனிதக்கொலைகள் மலிந்துபோயின.

பொன்னப்பல வாணேச்சரத்தில்
பொன்னம்பவாணர் முன்னிலையில்
என்னமாய் கொல்லப்பட்டார்
எங்கள் எம்பி மகேஸ்வரன்

எங்கே போனார் அம்பலவாணர்?

சிவபக்தனாம் மகேஸ்வரன்...
சிவபூசையிலே கொல்லப்பட
சிவனெங்கே போயிருந்தார்
செத்துத்தான் தொலைந்தாரோ!

சிவன் தான் வேண்டாமே
கரடியாவது புகுந்திருந்தால்
கொலையாளி ஒருகணம்
குறிதவறிப் போயிருப்பான்.

அழித்தல் தொழில்தான்
உன்தொழிலானால் - சிவனே
அழிக்கவருபவரையாதல்
அழித்துத்தான் தொலையேன்.

நத்தார் நாளொன்றின்போது
நடந்துகொண்டிருந்த திருப்பலியில்
நரபலியெடுக்கப் பட்டாரே
நம்ஜோசப் பரராஜசிங்கம்.

உன்பிறந்த தினத்தினிலே
உன்னுடைய விசுவாசி
உன்னிரண்டு கண்முன்னே
உயிர் பறிக்கப் பட்டபோது

எங்கேயாண்டவா பார்த்திருந்தாய்,
ஏன் நீவந்து தடுக்கவில்லை?

சிவராத்திரி தினத்தினை
சிறப்பாக அனுஷ்டிக்க
அவசரமாய் சென்றவேளை
அய்யகோ சிவனே...!

சிவனேசனை காத்திட - நீ
சிறிதேனும் முயன்றாயா?
இல்லையே சிவனே - உனக்கு
இல்லையா இதயமே!

காத்தான்குடிப் பள்ளியி(வாசலி)ல்
கொத்துக்கொத்தாய் உன்னவர்கள்
கொலைசெய்யப் பட்டபோது
காப்பாற்ற வில்லையே நீ...

அல்லாவே உன்கிருபை
இல்லையோ இலங்கைமண்ணில்?

யாகப்பர் கோவிலிலும்
நவாலிசென் பீட்டரிலும்
ஏனப்பா யேசப்பா
எம்மவரை கைவிட்டாய்?

யாரிடமவர்கள் வந்தார்கள்?
உன்னிடம்தானே அடைக்கலமாய்!

உன்னிடமே அடைக்கலமாய்
ஓடிவந்து புகுந்தவரை
ஏன்காக்க மறந்தனையோ
இன்றில்லை அவருலகில்.

நல்லூரானே!
உன் தேர்த்திருவிழாவென்றால்,
உன் தேர்வடம் பிடிக்காத கைகள்
உள்ளனவா யாழ்ப்பாணத்தில்?

இல்லையே!

உன் தேர்பிடித்தகைகளெல்லாம்
குருதிதோய்ந்து போகும்போது
என்னையா செய்கின்றாய்
ஒருக்காலும் தடுத்திலையே

தேரோடிய வீதியிலும்
பிணவாடை அடித்தபோதும்
பாராமல் இருந்தாயே
பயந்திட்டாயோ நீயுமங்கே!

இல்லை.

எங்கள் மண்ணில் மட்டும்.
எந்தவித அற்புதமும்
இதுவரை நடந்ததில்லை.
இனியும் நடக்கப்போவதில்லை.

ஆண்டவனின் அற்புதம்
இனிமேலும் நிகழுமென்று
வீண்பொழுது போக்கிடில்
வீழ்ச்சிதவிர மீட்சியில்லை

கடவுளர்கள் இனியுமெம்மை
காப்பாற்றப் போவதில்லை
இடர்களைய நாங்களாய்
எழுந்தால்தான் உண்டுவழி.

ஆண்டவன் பெயரில் அரசியல் செய்வோரும்
கடவுளின் பெயரில் காசுபணம் உழைப்போரும்
இறைவன் பெயரில் வெறிபிடித் தலைவோரும்
மதத்தின் பெயரில் மக்களை ஏய்ப்போரும்

இருக்கும் வரைக்கும் இறைவனும் இல்லை
அற்புதம் நிகழ்ந்திட வழியும் இல்லை

பின்னணி: அண்மைக்காலமாக (2008, மார்ச் இறுதிப்பகுதியிலிருந்து) மடு தேவாலயப்பகுதியை கைப்பற்றுவதற்காக அரச படைகளும், அதை தடுப்பதற்காக விடுதலைப்புலிகளும் தீவிரமாக போரிட்டுக்கொண்டிருக்கும்போது, மடுமாதா (சீமெந்து சொரூபம்) பரிதாபகரமாக இடையில் அகப்பட்டுக்கொள்ளவேண்டியதாயிற்று. கடவுளை காப்பாற்றவேண்டிய பாரிய வரலாற்றுக்கடமை இப்போது மனிதர்கள் முன். அப்பகுதி கத்தோலிக்க ஆயர்கள் ஒன்றுசேர்ந்து, மடுமாதாவை பாதுகாப்பான ஒரு இடத்துக்கு நகர்த்தவேண்டியதாயிற்று. மடுமாதா பாதுகாக்கப்பட்டாலும் இருதய நாதர் பதுகாக்கப்படவில்லை. மடுமாதா சென்றபின்பு, மடு இருதய நாதர் கோவில் ஷெல் தாக்குதலுக்கு இலக்கானது. அத்தாக்குதலில், அக்கோவில் பலத்தசேதமடைந்ததுடன், இருதயநாதர் சிலையும் சேதமடைந்தது. இருதயநாதரின் இடக்கையொன்று உடைந்துபோக, அவர் நெஞ்சிலும் சன்னம் துளைத்திருந்தது. இவற்றின் பின்னணியில், சாதாரண ஒரு குடிமகனாக, என் முன் எழும் கேள்விகள் மேலே கவி வடிவில்................

தொடர்புபட்ட தகவல்கள்:
மடு இருதயநாதர் கோவில் மீது சிறிலங்காப் படையினர் எறிகணை வீச்சு

An Interview with Bjarne Stroustrup C++0x

JB: In your paper, "The Design of C++0x" published in the May 2005 issue of the C/C++ User's Journal, you note that "C++'s emphasis on general features (notably classes) has been its main strength." In that paper you also mention the most change and new features will be in the Standard Library. A lot of people would like to see regular expressions, threads and the like, for example. Could you give us an idea of new classes or facilities that we can expect to see in C++0x's Standard Library?

BS: The progress on standard libraries has not been what I hoped for. We will get regular expressions, hash tables, threads, many improvements to the existing containers and algorithms, and a few more minor facilities. We will not get the networking library, the date and time library, or the file system library. These will wait until a second library TR. I had hoped for much more, but the committee has so few resources and absolutely no funding for library development.

JB: Have you or others working on C++0x had a lot of genuinely good ideas for new classes or facilities? If so, will all of them be used or will some have to be left out because of time and other constraints on developing a new standard? If that is the case, what would most likely be left out?

BS: There is no shortage of good ideas in the committee or of good libraries in the wider C++ community. There are, however, severe limits to what a group of volunteers working without funding can do. What I expect to miss most will be thread pools and the file system library. However, please note that the work will proceed beyond '09 and that many libraries are already available; for example see what boost.org has to offer.

JB: When would you expect the C++0x Standard to be published?

BS:The standard will be finished in late 2008, but it takes forever to go through all the hoops of the ISO process. So, we must face the reality that "C++0x" may become C++10.

JB: Concurrent programming is obviously going to become important in the future, because of multi-core processors and kernels that get better at distributing processes among them. Do you expect C++0x will address this, and if so, how?

BS: The new memory model and a task library was voted into C++0x in Kona. That provides a firm basis for share-memory multiprocessing as is essential for multicores. Unfortunately, it does not address higher-level models for concurrency such as thread pools and futures, shared memory parallel programming, or distributed memory parallel processing. Thread pools and futures are scheduled for something that's likely to be C++13. Shared memory can be had using Intel's Threading Building Blocks and distributed memory parallel processing is addresses by STAPL from Texas A&M University and other research systems. The important thing here is that given the well-defined and portable platform provided by the C++0x memory model and threads, many higher-level models can be provided.

Distributed programming isn't addressed, but there is a networking library scheduled for a technical report. That library is already in serious commercial use and its public domain implementation is available from boost.org.

என்னமாய் ஏமாற்றுகின்றார்கள்? வீரகேசரியின் நம்பகத்தன்மை!

இந்த சில பத்திரிகைகள், விளம்பரத்துக்காக எப்படியெல்லாம் வாசகர்களை ஏமாற்றுகின்றார்கள் என்று பாருங்கள். இலங்கையிலிருந்து வெளிவரும் வீரகேசரி பத்திரிகையை அவதானித்து வருபவர்களுக்கு தெரியும், அப்பத்திரிகை யாரையாவது பிரபலங்களை பேட்டியெடுத்து, அப்பேட்டி பத்திரிகையில் வருமாயின், அப்பேட்டிப்பக்கத்தில் பேட்டியளிப்பவர் வீரகேசரி பத்திரிகையின் பதிப்பொன்றை வாசித்துக்கொண்டிருப்பதாக ஒரு படம் போட்டு அசத்திவிடுவார்கள்.

அது இலங்கை, இந்திய தமிழ் பிரபலங்களாக இருந்தால் என்ன, அல்லது வேற்றுமொழி பிரபலங்களாக இருந்தாலென்ன அதை செய்ய தவறமாட்டார்கள். அப்படங்களை பார்க்கும் வாசகர்களும், ‘ஆகா, அவர்களே வாசிக்கின்றார்களே, வீரகேசரியின் பெருமை தான் என்னே!' என்று ஆச்சரியப்பட்டுப்போய்விடுகின்றார்கள்.

மேலே உள்ள படம், 2008-04-06 ஞாயிறு வீரகேசரியில் இடம்பெற்ற பிரபலமொருவரின் பேட்டியுடன் பிரசுரிக்கப்பட்டிருந்தது. படத்தை வடிவாக உற்றுப்பாருங்கள், பேட்டியளிப்பவர் வீரகேசரி பத்திரிகையை வாசித்துக்கொண்டிருப்பதாக கணனியில் மாற்றம் செய்யப்பட்டு வெளியிடப்பட்டுள்ளது.

வாசித்துக்கொண்டிருப்பவரின் கைவிரல்களை உற்றுப்பாருங்கள், அத்தோடு பத்திரிகை என்னமாய் மடியாமல், குத்திட்டுக்கொண்டு நிற்கின்றது என்று பாருங்கள். அத்துடன் அளவு பரிமாணங்கள் கூட பிழைத்திருக்கின்றன.

வீரகேசரிக்கு ஆரோக்கியமான ஒரு ஆலோசனை, இனிமேல் இவ்வாறு படங்களை கணினியில் எடிட் செய்து பிரசுரிக்கும்போது, மேற்படி தவறுகள் இடம்பெறாமலோ, வேளித்தெரியாமலோ கனகச்சிதமாக எடிட் செய்யவும். அப்போது வாசகர்கள் நிச்சயமாக நம்பிவிடுவார்கள், அப்புகைப்படங்கள் நிஜமாக உங்களால் எடுக்கப்பட்ட படங்கள் என்று.

கீழே அப்பேட்டியின் முழுவடிவமும், விளக்கங்களுடன் படமும் தரப்பட்டுள்ளன. படங்களின் கிளிக் செய்து பெருப்பித்து பார்க்கவும்.

தகவல் தொழிநுட்பத்துறை, மூன்றாம் உலக நாடுகளை சுரண்டுவதற்கு முதலாளித்துவத்திற்கு வாய்த்த புதிய தளமோ?

அண்மையில் மின்னஞ்சல் வழியே பரிமாறப்பட்ட தகவலொன்று இலங்கையிலுள்ள தகவல் தொழிநுட்பத்துறை பணியாளர்களிடையே, பெரும் பரபரப்பை ஏற்படுத்திக்கொண்டிருந்தது. அதாவது, மனித உரிமைகள் கண்காணிப்பகத்தின் அல்லது அதில் சேவையாற்றும் முக்கிய பிரமுகரொருவரின் ஊடக அறிக்கை என்று எண்ணத்தக்க வகையிலே தயாரிக்கப்பட்டிருந்த அந்த அறிக்கை, இலங்கையில் உள்ள, ஆளெண்ணிக்கையில் முதலிடத்திலுள்ள, அமெரிக்காவை தளமாக கொண்டியங்குகின்ற ஒரு மென்பொருள் உற்பத்தி நிறுவனத்தின் பணிச்சூழலில் காணப்படுகின்ற குறைபாடுகளையும், அதிர்ச்சியூட்டக்கூடிய சம்பவங்களையும், பணியாளர்கள் மீது சுமத்தப்படுகின்ற அழுத்தங்களையும் மிக விரிவாக, மனித உரிமைகள் கண்காணிப்பகத்தின் அறிக்கைகளின் தரத்துக்கு ஈடாக ஆராய்ந்து வெளிப்படுத்தியிருப்பதாக அமைந்திருந்தது. அவ்வறிக்கையின் தலைப்பு Business Process Outsourcing - 'Other side of the white-collar' என்றவாறும் அதை வெளியிடுபவர் Andrew Miller - Human Rights Watch என்றும் இருந்தது.

அதை வாசிக்கும் ஒருவர் எடுத்த எடுப்பிலேயே அதை முற்றுமுழுதான உண்மை என்று நம்பிவிடுவதில் ஆச்சரியமொன்றுமில்லை தான். அந்தளவுக்கு, அது கனகச்சிதமாக, உயர்தர ஆங்கிலத்தில் தயாரிக்கப்பட்டிருந்தது.

அது சம்பந்தமாக, இணையத்தில் ஆழமாக தேடிப்பார்த்ததில், அவ்வறிக்கைக்கும், மனித உரிமைகள் கண்காணிப்பகத்துக்கும் எவ்வித தொடர்பும் இல்லை என்பது போலவே தோன்றியது எனக்கு.

யாரோ சிலர், அந்நிறுவனத்தால் பாதிக்கப்பட்டவர்கள் (கணிசமானவர்கள் பாதிக்கப்பட்டுள்ளார்கள் என்பது கொசுறுச் செய்தி) சேர்ந்தோ அல்லது தனித்தோ, இப்படியொரு அறிக்கையை தயாரித்து மின்னஞ்சல் வழி பரப்பியிருக்கவேண்டும்.

இந்த அதிர்ச்சியூட்டக்கூடிய அறிக்கை அந்நிறுவனத்துக்குள்ளும் பரிமாறப்பட்டதை கண்டு அதிர்ச்சியடைந்த அந்நிறுவனம், இவ்விடயம் சம்பந்தமாக உடனடியாக பதிலளிக்கவேண்டியேற்பட்டது. அப்பதிலையும் மின்னஞ்சல் வழி காணக்கிடைத்தது. வழமையான மறுப்பறிக்கை, அவர்கள் மனித உரிமைகள் கண்காணிப்பகத்தை தொடர்புகொண்டு விசாரித்ததாகவும், அப்படி அவ்வமைப்பு அறிக்கையெதனையும் வெளியிடவில்லையென தெரிவித்ததாகவும், இது ஒரு இட்டுக்கட்டப்பட்ட சம்பவங்களையும், தகவல்களையும் கொண்ட ஒரு அறிக்கை எனவும், மேலதிக தகவல்கள் தேவைப்படின் அந்நிறுவனத்தின் முக்கியமானவர்கள் சிலரை நேரடியாக தொடர்புகொண்டு (தொடர்பிலக்கங்கள் வழங்கப்பட்டிருந்தன) உறுதிப்படுத்திக்கொள்ளலாம் எனவும் அம்மின்னஞ்சலில் இருந்தது.

அம்மின்னஞ்சலில் தரப்பட்ட தகவல்கள் எல்லாம் உண்மையாக இருந்தாலும் அநநிறுவனத்திடமிருந்து வரப்போவது மறுப்பறிக்கைதான் என்பதை யாவருமறிவர்.

அவ்வறிக்கையின் சாரம்சத்தை சொல்லப்போனால், அந்நிறுவனத்திலே மென்பொருள் பணியாளர்கள் நியாயமற்ற ஊதியத்தில், மிக மோசமாக நடத்தப்படுவதாகவும், அவர்கள் மீது அளவுக்கதிகமாக வேலைப்பளு சுமத்தப்படுவதாகவும், அதன்காரணமாக ஓரிரண்டு மரணங்கள் நிகழ்ந்ததாகவும், நியாயமற்ற முறைகளிலே புதிய பணியாளர்கள் உள்வாங்கப்படுவதாகவும், நியாயமற்ற முறையிலே பெருமளவானவர்கள் பணியிலிருந்து துரத்தப்படுவதாகவும், மொத்தத்தில் ஆசை காட்டி மோசம் செய்வதாகவும் சாவகாசமாக குறிப்பிடப்பட்டிருந்தது.

ஆச்சரியமென்னவென்றால், யாரிடம் இதைப்பற்றி கதைத்தாலும் அவ்வறிக்கையில்லுள்ள விபரங்களை ஆமோதிப்பவர்களாகவே இருக்கின்றார்கள். அத்தோடு மட்டுமல்லாமல் அவற்றிற்கான ஆதாரங்களையும் முன்வைத்தார்கள். விசாரித்துப் பார்த்ததில் மரணச்சம்பவங்களும் நிகழ்ந்திருக்கின்றன,மரணத்திற்கான காரணங்கள் வேறுபடக்கூடும். அந்நிறுவனத்தில் பணியாற்றும் ஒருசில தெரிந்தவர்களின் புலம்பல்கள் கூட, இவ்வறிக்கைக்கு வலுச்சேர்ப்பனவாகவே தெரிந்தன.

மொத்தத்தில் அவ்வறிக்கை, ஒரு சிலரால் திட்டமிட்டு, மனித உரிமைகள் கண்காணிப்பகத்திலிருந்து வெளியிடப்படுவது மாதிரி தயாரிக்கப்பட்டிருந்தாலும், அவ்வறிக்கையிலுள்ள விடயங்கள் பெரும்பான்மைக்கும் உண்மையானவையாகவே இருப்பதாகவே பலரும் பேசிக்கொள்வதை காணக்கூடியதாயிருந்தது.

இனி தலைப்புக்கு வருவோம். மேற்குலக நாடுகளின் தகவல் தொழிநுடப நிறுவனங்களெல்லாம் இப்போது மூன்றாமுலக நாடுகளிலேயே பெருமளவுக்கும் தங்கியிருக்கின்றன. அதன் அர்த்தம், மூன்றாமுலக நாடுகள் இல்லாவிட்டால் அவர்கள் இயங்க முடியாது என்பதல்லை, மூன்றாமுலக நாடுகளின் உழைப்பை இத்துறையினிலே இலகுவாக அவர்களால் சுரண்டிக்கொள்ளமுடிவதாகும்.

முதலாளித்துவத்துக்கும், சுரண்டலுக்கும் உள்ள தொடர்பை சொல்லித்தான் தெரியவேண்டியதில்லை. முதலாளித்துவத்தின் வெற்றி சுரண்டலிலேயே பெருமளவில்ல் தங்கியிருக்கும் என்பது மறுக்கமுடியாத உண்மை.

அவ்வகையில் முதாலளித்துவத்துவத்தின், சுரண்டலுக்கான நவீன ஊடகமாக, மூன்றாம் உலக நாடுகளிலே எல்லோராலும் அண்ணாந்து நோக்கப்படுகின்ற, இந்த தகவல் தொழிநுட்பத்துறை விளங்குகின்றது. பொதுவாக மேற்குலகிலே இத்துறையிலே ஒருபணியாளருக்கு வழங்கப்படுகின்ற ஊதியத்தின் ஐந்தில் ஒரு பகுதியையோ அதற்கும் குறைவான தொகையையோ ஊதியமாக வழங்குவதன் மூலம், ஆசிய நாடுகளில் இலகுவாக பணியாளர்களை பெற்றுக்கொள்ளக்கூடியதாக இருப்பதால், அதிக இலாபம் பெறும் ஆசைகொண்டு, மேற்குலக நிறுவனங்கள் யாவும் இங்கே படையெடுத்து தளமமைத்துக்கொள்வதில் ஆச்சரியமொன்றும் இல்லை தான். அத்துடன் இங்கேயுள்ள பணியாளர்களை கொண்டு, தங்களின் விருப்பத்துக்கு ஏற்றவகையில், அதிகமான அடைவுகளை அடையமுடியும் என்பது அவர்களுக்கிருக்கும் கூடுதல் வசதி. அதாவது காலநேரம் பாராது எந்நேரமும் பணியாற்றக்கூடிய தன்மை ஆசிய நாட்டு பணியாளர்களில் காணப்படும், அந்நிறுவனங்கள் விரும்புகின்ற முக்கிய விடயமாகும்.

இந்நாடுகளிலுள்ள ஏனை துறைகளை சேர்ந்த பணியாளர்களுடன் ஒப்பிடும்போது, கவர்ச்சிகரமான ஊதியத்தை வழங்குதல் இப்பணிக்கு இலகுவாக, பணியாளர்களை அமர்த்திக்கொள்வதற்கு அம்மேற்குலக நிறுவனங்களால் பாவிக்கப்படும் முக்கிய உத்தியாகும், ஆயுதமாகும். வேலைக்கு அமர்த்திக்கொளும் தருணங்களில் வழங்கப்படும் கவர்ச்சிகரமான உத்தரவாதங்கள், எவ்வளவுக்கு பின்பு நடைமுறைப்படுத்தப்படுகின்றன என்பது கேள்விக்குறி. எதிர்காலக் கனவுகளோடு பல்கலைக்கழகங்களிலிருந்து பட்டம் முடித்து வெளியேறும் இளைஞர்களைதான் இவர்களின் முக்கியமாக குறிவைக்கின்றார்கள். அவர்களை, ஏட்டிக்கு போட்டியாக எப்படியாவது வேலைக்கெடுத்துக்கொள்ள முனைவார்கள், எடுத்தபின்பு எப்படியாவது பாவித்துக்கொள்ளலாம் என்ற உள்நோக்கத்தோடு. இங்கே ஒரு சில கம்பனிகள் ஓரளவு நியாயத்தன்மையோடு நடந்துகொண்டாலும், பல கம்பனிகள் மேற்படி உத்திகளையே பயன்படுத்துகின்றன.

வாரத்தில் ஐந்து நாட்கள், ஒரு நாழுக்கு 8 மணித்தியாலங்கள் பணிநேரம் என்ற உரிமை இத்துறையிலுள்ள எல்லா பணியாளர்களுக்கும் இந்நிறுவனங்களால் வழங்கப்படுகின்றதா என்றால் அது விவாதத்துக்குரிய விடயம். சில நிறுவனங்களால், பணியாளர்கள் நேரடியாகவோ அல்லது மறைமுகமாகவோ நாளொன்றுக்கு 8 மணித்தியாலங்கள் என்ற அளவுக்கு அதிகமாகவோ, அல்லது வாரமொன்றுக்கு 40 மணித்தியாலங்கள் என்ற அளவுக்கோ அதிகமாகவோ பணியாற்ற நிர்ப்பந்திக்கப்படுகின்றார்கள். இப்பணித்துறையின் முக்கியமான அம்சம், எப்போதும், ஒரு சேவைக்கோ, பொருளுக்கோ காலஎல்லை (deadline) நிர்ணயிக்கப்பட்டு பணியாளர்கள் பணியாற்றவைக்கப்படுவதாகும். சில நிறுவனங்கள், அதிக இலாபம் பெறும் நோக்கோடு, கடுமையான, நடைமுறை சாத்தியமற்ற, வாரத்துக்கு 40 மணித்தியாலங்கள் என்ற அளவை கடுமையாக மீறுகின்ற கால எல்லைகளை விதித்துக்கொள்வார்கள். இங்கே தான், பிரச்சினைகள் ஆரம்பிக்கின்றன. கடுமையான விதிக்கப்படும் காலஎல்லைகளுக்குள் பணிகளை முடித்துக்கொள்வதற்காக, தங்கள் கொள்ளளவுக்கும் அதிகமாக, அதிகமான மணித்தியாலங்கள், ஓய்வொழிச்சலின்றி வேலையாற்றவேண்டிய கட்டாய நிலைமை பணியாளர்களுக்கு அவர்களையறியாமலேயே ஏற்படுத்தப்படுகின்றது.

அத்துடன், இத்துறையில் எப்போதும், problem-solving எனப்படும், பிரச்சினைகளை ஆராய்ந்து அவற்றுக்கு மென்பொருள் தீர்வளிக்கும் பணியே பிரதானமானது. மென்பொருள் அபிவிருத்தித் துறையில் பணியாற்றும் ஒருவர், பணியில் இலகுவாக, அதிக சோர்வடைந்து போவதற்கும் இந்த மூளைக்கு அதிக வேலையளிக்கும் தன்மையே காரணம். இத்துறையில் பணியாற்றுபவர்கள் ஒரு நாளின் பிற்பகுதியில், அதிகம் சோர்வடைந்தவர்களாகவே காணப்படுவார்கள். பிரச்சினைகளோடு எப்போதும் பணியாற்றிக்கொள்வதே அதற்கு காரணம். மற்றும் இத்துறையில் பணியாற்றுபவர்களுக்கு உடல்ரீதியான அதிக பாதிப்புக்கள் ஏற்பட நிறையவே சந்தர்ப்பங்கள் உள்ளன.

கணினி அதிகநேரம் பணியாற்றுவதாயின், அதற்கான தளவாட, சூழல் ஒழுங்மைப்புக்களில் அதிக கவனம் செலுத்தவேண்டியது அவசியமாகும். மேசையின் உயரம் எபடியிருக்கவேண்டும், இருக்கை, இருக்கையின் உயரம் எவ்வாறு அமைக்கப்படவேண்டும், கணினித்திரை எவ்வாறு வைக்கப்படவேண்டும், கணினிமுன் பணியாற்றும் ஒருவர், எவ்வாறு இருக்கையில் அமரவேண்டும், எவ்வாறு கணனியை பாவிக்கவேண்டும், சூழலின் ஒளியமைப்பு எவ்வாறிருக்கவேண்டும் என்பவை சம்பந்தமாக மருத்துவ ரீதியாக ஆராய்ந்து சொல்லியிருக்கின்றார்கள். இவை சம்பந்தமாக ஒரு ஆலோசகர்களை (Ergoimic Consultants) பணிக்கமர்த்தி, ஏனைய பணியாளர்களை மேற்பார்வை செய்வது மேற்குலகில், மென்பொருள் நிறுவனங்களின் வழமை. ஆனால் இங்கே எந்த ஒரு நிறுவனமாவது இது சம்பந்தமாக கவனம் செலுத்தியிருப்பதாக நான் அறியவில்லை. மேற்படி விடயங்களை கவனத்திலெடுக்காது ஒருவர் கணினி முன் அதிகநேரம் பணியாற்றுவாராயின், அவரின் உடல்நலத்துக்கு பாரிய பாதிப்புக்கள் ஏற்பட இடமுண்டு. முதுகுவலி, கழுத்து வலி, RSI, CTS போன்ற உடல்நல பாதிப்புக்கள் இட்துறையில் பணியாற்றுபவர்களிடையே அதிகம் காணப்படுவதாக ஆராய்ச்சிகளின் முடிவுகளிலே கண்டறிந்திருக்கின்றார்கள். அத்துடன், மன அழுத்தம் (Stress) இத்துறையிலே காணப்படும் மிக முக்கிய பிரச்சினையாகும். இத்துறையிலுள்ளவைகளிடையே விவாகரத்துக்கள் அதிக அளவில் காணப்படுவதாக ஒரு ஆராய்ச்சியறிக்கை கூறுகின்றது. இத்துறையிலே பணியாற்றுபவர்கள் ஏனை, சமூக, குடும்ப விடயங்களில் ஈடுபாடு குறைந்தவர்களாக மாறுகின்றார்கள், மனவழுத்தம் மனமுறிவுகளுக்கும், மணமுறிவுகளுக்கும் இட்டுச்செல்கின்றது.

மொத்தத்திலே சவால்கள் மிக்க ஒரு துறையிலே பணியாற்றுகின்றவர்களின் நலன்கள், உரிமைகள் எந்தளவிற்கு பேணப்படுகின்றன என்பது கேள்விக்குரிய விடயமாகும். ஏனை தொழில்களிலே, தொழிலாளர்களின் உரிமைகளும், நலன்களும் தக்கவைத்துக்கொள்ளப்படுகின்றன எவ்வாறென்றால், அங்கே தொழிற்சங்க நடவடிக்கைகள் இருக்கும். தொழிலாளர்கள் அநீதியாக நடத்தப்படுவது தவிர்க்கப்படும்.

ஆனால், தகவல் தொழிநுட்பத்துறையில் இங்கே தொழிற்சங்க நடவடிக்கை என்ற கதைக்கே இடமில்லை. இந்நிலை, திட்டமிட்டு இந்நிறுவனங்களால் ஏற்படுத்தப்பட்ட ஒன்றாகும். அதாவது, இத்துறையில் பணியாற்றுபவர்களெல்லோரும், ஏதோ ஒருவகையில் பல்கலைகழக பட்டம் பெற்றவர்களாகவும், சமூகத்தில் கல்வியிலே உயர்ந்தவர்களாகவும் இருப்பதால், அவர்களுக்கு தாங்களும் ஒருவகையில் தொழிலாளர்களே (workers) என்ற சிந்தனை போக்கடிக்கப்படுகின்றது. Professionals என்ற வகைக்குள் அடக்கப்பட்டு உயர்வாக காட்டப்படுகின்றார்கள். இதன்மூலம், தொழிலாளர்கள் என்ற சிந்தனை நீக்கப்பட்டு, தொழிற்சங்க நடவடிக்கைகளுக்கான தேவை தன்பாட்டிலேயே அகற்றபடுகின்றது, இத்துறையில்.

ஆனால், இந்நாட்டில், வைட்தியர்களுக்கென்று, வக்கீலகளுக்கென்று, ஒவ்வொரு தொழில் செய்பவர்களுக்கென்றும் தொழிற்சங்கங்கள் உள்ளன. அதன் மூலம் தங்கள் உரிமைகளையும் நலன்களையும் அவர்கள் பேணிக்கொள்கின்றார்கள். ஆனால் அதிசயமாக தகவல் தொழிநுட்ப தொழிலாளர்களுக்கு மட்டும் அவ்வாறொன்றொன்றில்லை.

சரி, மேற்கு நாடுகளிலே இத்துறையிலே பணியாற்றுகின்றவர்களின் நிலை எப்படியுள்ளது என்று பார்த்தால், அங்கு நிலைமை வேறு. ஆச்சரியமாக, அங்கே இத்துறையில் பணியாற்றுபவர்களுக்கென்று தொழிற்சங்கங்கள் (Unios) உள்ளன. அத்தொழிற்சங்க நடவடிக்கைகளுக்கு அவர்கள் முக்கியத்துவம் கொடுக்கின்றார்கள், அதன்மூலம் தங்கள் நலன்களை பேணிக்கொள்கின்றார்கள் என்பது நான் விசாரித்தறிந்த உண்மை.

ஆகவே, திட்டமிட்டு அந்நிலைமை இங்கே தவிர்க்கப்பட்டிருக்கின்றதென்றால், இதை நவீன முறை சுரண்டலென்று சொல்லாமல், வேறு என்னவென்பது. காலா காலமாக எங்கள் நாடுகளின் உடலுளைப்பாளர்களை சுரண்டிய மேற்குலகமும், மேற்குலகத்தின் கம்பனிகளும், காலப்போக்கில், இப்போது தந்திரமாக மூளையுளைப்பாளர்களையும் சுரண்டிக்கொண்டேயிருக்கின்றார்கள். நாங்கள் சுரண்டப்பட்டுக்கொண்டிருக்கின்றோம் என்பது தெரியாமலேயே எங்கள் வளங்களும் உழைப்புக்களும் சுரண்டப்பட்டுக்கொண்டிருக்கின்றன.

இந்நிறுவனங்கள், எப்போதும் உயர்மட்ட முடிவெடுத்தல்களையும் , உயர்மட்ட பணிகளையும் (High-Level decision Makings, High-Level Tasks) தங்கள் நாடுகளில் வைத்துக்கொண்டு, அடிமட்ட பணிகளையே (Low-Level Tasks) எங்கள் நாடுகளுக்கு அனுப்புவார்கள். அதாவது உடலுளைப்பு கூடிய பணிகள் இங்கும், தீர்மானமெடுத்தல் சம்பந்தமான பணிகளை தங்களோடும் வைத்துக்கொள்வார்கள்.

மேறபடி சுரண்டல் நிலைமைகள் சில மேற்குலக நிறுவனங்களால் திட்டமிட்டு மேற்கொள்ளப்பட்டாலும், அவற்றுக்கு உடந்தைகளாக இருப்பவர்கள் எம்மவர்கள் தான். எம்மவர்களே எம்மவர்களை சுரண்டும் நிலைமையும் காணப்படுகின்றது. எம்மவர்களால் நடாத்தப்படுகின்ற இத்துறை நிறுவனக்களில் கூட, மேற்படி மேற்குலக சிந்தனை காணப்படுவது இன்னும் மோசமான நிலைமை.
(அரசாங்கம்)

முடிவாக, இத்துறையிலே பணியாற்றுபவர்கள் மேற்படி விடயங்களை சிந்தித்து செயலாற்றவேண்டிய கடப்பாடுடையவர்களாகின்றார்கள். எத்தொழில் செய்பவராக இருந்தாலும், தொழிலாளர்களின் உரிமைகளும், நலன்களும் பேணப்படவேண்டும். இவற்றிற்கான நடவடிக்கைகளை நாம் எடுக்கத் தவறுவோமாயின், எதிர்காலத்தில் நிலைமை இன்னும் சீரழிந்தாலும் ஆச்சரியப்படுவதற்கில்லை.

மொத்தத்தில் இவ்வறிக்கை, மனித உரிமைகள் கண்காணிப்பகத்தால் வெளியிடப்படவில்லை என்பது உண்மைதான், என்றாலும் மனித உரிமைகள் கண்காணிப்பகம் வெளியிட்டிருக்கவேண்டிய அறிக்கைபோலத்தான் தெரிகின்றது. மனித உரிமைகள் கண்காணிப்பகம் கண்காணிக்கவேண்டிய விடயமாக இவ்விடயம் காணப்படுவதும் கவனத்தில் கொள்ளத்தக்கது.

பிற்குறிப்பு: இந்நிலைமையை சீர்செய்வதற்கு அரசாங்கம் எத்தகைய நடைமுறைகளை, ஒழுங்குமுறைகளை மேற்கொள்ளமுடியும் என்பது சம்பந்தமாக தகவல்கள் கொஞ்சம் திரட்டவேண்டியுள்ளதால், அது சம்பந்தமாக பின்பு எழுதுகின்றேன். மேலே சிவப்பில் அரசாங்கம் என்று குறிப்பிடப்பட்ட பகுதியில் அப்பந்தி வரும்.